шималий корейә американи тәйвәнни пәрвасизләрчә қоллаш билән әйиблиди

шималий корейә американиң тәйвәнни бипәрвалиқ билән қоллаш арқилиқ районда һәрбий җиддийчиликни күчәйтивәткәнликини илгири сүрди.

1723853
шималий корейә американи тәйвәнни пәрвасизләрчә қоллаш билән әйиблиди

түркийә авази радийоси хәвири: шималий корейә муавин ташқи ишлар министири пак мйоң хо байанат берип, америка қошма иштатлириниң тәйвән боғузиға уруш парахотлирини әвәтиши, тәйвәнни қорал системиси вә һәрбий мәшиқ билән тәминлишини әйиблиди.

америка һөкүмитиниң тәйвәнни бипәрвалиқ билән қоллап, бу райондики һәрбий җиддийчиликни күчәйтивәткәнликини тилға алған пак, американиң бу райондики һәрбий күчиниң күнсери күчийишиниң шималий корейәгә йошурун тәһдит елип келидиғанлиқини ейтти.

у, американиң шималий корейә пүтүнләй хитайниң ички иши дәп қарайдиған тәйвәнгә мунасивәтлик ишларға бипәрвалиқ билән арилишиватқанлиқини илгири сүрди.

америка пирезиденти җо байдин 21-өктәбир CNN телевизийә қанилиға бәргән байанатида, әгәр хитай һуҗум қилип қалған тәқдирдә тәйвәнни қоғдайдиғанлиқини ейтқаниди.

ақсарай байанатчиси җен псакитн өткүзгән күндилик мухбирларни күтүвелиш йиғинида: «бизниң тәйвән билән болған мудапиә мунасивитимиз <тәйвән мунасивити қануни>ға асасән елип берилмақта. бу қанунға асасән, америка тәйвәнгә йардәм бериш вә өзиниң мудапиә иқтидарини давамлиқ тәрәққий қилдурушқа вәдә бәрмәктә» дегәниди.



مۇناسىۋەتلىك خەۋەرلەر