baydin bilen makron téléfonlashti

amérika pirézidénti jo baydin bilen firansiye pirézidénti émmanuél makron téléfonliship, ikki tereplik we rayonluq mesililer toghrisida söhbetleshti.

1723840
baydin bilen makron téléfonlashti

türkiye awazi radiyosi xewiri: aqsaray yazma bayanat élan qilip, jo baydinning émmanuél makron bilen téléfonda sözleshkenliki, ikki pirézidéntning sahil rayonining muqimliqi we bixeterlikini qollash, hemde ikki terepning hindi – tinch okyandiki hemkarliqni kücheytish üchün élip bériwatqan xizmetlerni közdin kechürgenlikini bildürdi.

aqsaray, ikki rehberning shimaliy atlantik okyan ehdi teshkilati – natoning yétersiz jaylirini toluqlash arqiliq téximu küchlük we téximu iqtidarliq yawropa mudapiesi yaritish tirishchanliqi toghrisidimu sözleshkenlkini bildürdi.

uningdin bashqa aqsaray, baydinning uchrishishni dawamlashturup, amérika – firansiye hemkarliqining nurghun sahelirige qarap chiqip, birlikte qiyinchiliqlarni yéngip, pursetlerdin teng paydilinip, ortaq tirishchanliq, ortaq qimmetlerni mustehkemleshni ümid qilidighanliqini, hemde mushu ayning axirida italiyening paytexti rimda ötküzidighan uchrishishni töt köz bilen kötüwatqanliqini éytqanliqini ibldürdi.

aqsaray, téléfon söhbiti jeryanida baydinning amérika muawin pirézidénti kamala xarrisning noyabirda firansiyening paytexti parizhgha qaritidighan ziyaritining, amérika - firansiye hemkarliqini yenimu tereqqiy qildurushning muhim pursiti bolidighanliqini tekitlidi.



مۇناسىۋەتلىك خەۋەرلەر