afriqa elliri ittipaqi eskerlirining somalida puqralarni öltürgenlikini étirap qildi

afriqa elliri ittipaqining somalidiki wezipe ötesh heyiti,  10-awghust küni somalida térrorluq teshkilati eshshebabqa qarshi herbiy heriket dawamida eskerlirining 7 puqrani öltürgenlikini étirap qildi.

1723595
afriqa elliri ittipaqi eskerlirining somalida puqralarni öltürgenlikini étirap qildi

türkiye awazi radiyosi xewiri: afriqa elliri ittipaqining somalidiki wezipe ötesh heyiti teripidin élan qilinghan bayanatta, somali hökümitining mezkur herbiy heriket dawamida 7 puqraning qaza qilghanliqi heqqide bayanat élan qilghandin kéyinki tekshürüsh jeryanida buning rastliqining ispatlanghanliqi bildürüldi.

golwéyn rayonidiki toqunush esnasida afriqa elliri ittipaqining somalidiki wezipe ötesh heyitining bir eskirining ölgen we yarilanghanliqi qeyt qilinghan bayanatta, jawabkar eskerlerning sotqa tartilidighanliqi tekitlendi.

bayanatta yene, afriqa elliri ittipaqining somalidiki wezipe ötesh heyitining mesuliyetni toluq öz üstige alghanliqi we shu qétimqi herbiy heriketke qatnashqan eskerlerning uganda puqrasi ikenliki eskertildi.

igilinishiche, afriqa elliri ittipaqining somalidiki wezipe ötesh heyiti qarmiqida 5 dölettin 20 ming esker wezipe ötimekte iken.



مۇناسىۋەتلىك خەۋەرلەر