xitay baydinning sözlirige naraziliq bildürdi

xitay amérika pirézidénti jo baydinning tünügün (2021-yili 21-öktebir) kéche s n n téléwiziyesining pirogrammisida, washingonning zörür tépilghanda teywenni qoghdaydighanliqi toghrisida éytqan sözlirige naraziliq bildürdi.

1723757
xitay baydinning sözlirige naraziliq bildürdi

türkiye awazi radiyosi xewiri:  xitay tashqi ishlar ministirliqining bayanatchisi wang winbin axbarat élan qilish yighinida: <<teywen xitayning ayrilmas bir parchisi. teywen mesilisige chet ellerning arilishishni qobul qilalmaymiz>> dédi.

wang famililik yene, xitayning tüp menpeetliride héchqandaq yol qoyulmaydighanliqini tekitlep: <<héchkim xitayning igilik hoquqini we zémin pütünlükini qoghdashtiki qetiy iradisini, hemde iqtidarini sinashqa urunmisun>> dédi we amérikani <<bir xitay>> pirinsipigha emel qilishqa, teywendiki musteqilliq küchlirige xata signal bérishtin yiraq turushqa chaqirdi.

pirézidént jo baydin tünügün kéche s n n téléwiziyesining pirogrammisida, riyasetchi andérson kupér (Anderson Cooper)  ning xitay teywenge tajawuz qilghan ehwalda amérikaning teywenni qoghdaydighan yaki qoghdimaydighanliqi heqqidiki soaligha: <<elwette qoghdaymiz, bu toghrida wedimiz bar>> dep jawab bergen idi.

pirézidént jo baydin xitay reisi shi jinping bilen daim körüshüp turidighanliqini eskertip: <<xitay bilen soghuq urushni xalimaymiz>> dégen idi.   


خەتكۈچ: #xitay , #teywen , #baydin

مۇناسىۋەتلىك خەۋەرلەر