америка: шималий корейә билән алдинқи шәртсиз сөһбәт өткүзүшниң пәйти йетип кәлди

американиң бирләшкән дөләтләр тәшкилати (б д т) дики даимий вәкили линда томас гиринфилид шималий корейәгә шәртсиз сөһбәт өткүзүш тәклипини сунғанлиқлирини билдүрди.

1722718
америка: шималий корейә билән алдинқи шәртсиз сөһбәт өткүзүшниң пәйти йетип кәлди

түркийә авази радийоси хәвири: американиң бирләшкән дөләтләр тәшкилати (б д т) дики даимий вәкили линда томас гиринфилид шималий корейәгә шәртсиз сөһбәт өткүзүш тәклипини сунғанлиқлирини, «сиҗил вә негизлик сөһбәт» өткүзүшниң пәйти кәлгәнликини ейтти.

шималий корейәниң «йеңи типтики су асти парахотидин қойуп берилидиған баллистик башқурулидиған бомба»сини синақ қилғанлиқини җакарлишидин кейин, америка билән әнглийә пйоңйаңниң йадро пирограммисиға алақидар мәсилиләрни б д т хәвпсизлик кеңишиниң күнтәртипигә киргүзди.

гиринфелд мухбирларға бәргән байанатида, шималий корейәниң баллистик башқурулидиған бомба синиқини әйиблди вә бу синақларниң б д т хәвпсизлик кеңишиниң қарарлириға хилаплиқ икәнликини ейтти.

шималий корейәниң әң йеңи баллистик башқурулидиған бомба синиқиниң «бипәрваларчә қилинған иғвагәрчилик» тин ибарәт икәнликини тилға алған томас гринфилид, пйоңйаңни техиму көп иғвагәрчилик қилиштин сақлинишқа чақирди.

у, корейә йерим арилини пүтүнләй йадросизлаштуруш үчүн «сиҗил вә негизлик сөһбәт» өткүзүшниң вақти кәлгәнликини көрситип , өзлириниң шималий корейәни алдинқи шәртсиз учришиш өткүзүшкә тәклип қилғанлиқлирини билдүрди.

томас гринфилид йәнә, хәлқара җәмийәт билән йеқиндин һәмкарлишип, райондики җиддийликни пәсәйтишкә тәййар икәнликлирини сөзлиригә илавә қилди.

шималий корейә 15- сентәбир қисқа мусапилик баллистик башқурулидиған бомбисини, 28- сентәбир шималий корейә мәркизи хәвәр агентлиқи «йеңи тәрәққий қилдурулған сүрити аваздин тез» дәп атиған бир башқурулидиған бомбисини синақ қилғаниди.

б д т хәвпсизлик кеңиши йадро пилани сәвәбидин шималий корейәгә 2006- йилдин башлап иқтисадий вә һәрбий җаза йүргүзүп кәлмәктә.



مۇناسىۋەتلىك خەۋەرلەر