ترامپ ئىجتىمائىي تاراتقۇ سۇپىسى قۇردى

ئامېرىكانىڭ سابىق پىرېزىدېنتى دونالد ترامپ ئۆزىنىڭ ئىجىتمائىي تاراتقۇ سۇپىسى نى كېلەر ئاي رەسمىي ئىشقا كىرىشتۈرۈشنى پىلان قىلغانلىقىنى بىلدۈردى.

1722900
ترامپ ئىجتىمائىي تاراتقۇ سۇپىسى قۇردى

تۈركىيە ئاۋازى رادىيوسى خەۋىرى:  ب ب س خەۋىرىدە كۆرسىتىلىشىچە، سابىق پىرېزىدېنت دونالد ترامپ بۇ ھەقتە بايانات ئېلان قىلىپ، ئۆزىنىڭ ئىجتىمائىي تاراتقۇ سۇپىسىنىڭ <<چوڭ شىركەتلەرنىڭ زومىگەرلىكىگە قارشى تۇرىدىغانلىقى>> ئەسكەرتكەن ۋە بۇ شىركەتلەرنى ئامېرىكادىكى ئۆكتىچى ئاۋازلارنى جىمىقتۇرۇش بىلەن ئەيىبلىگەن.

ئۇ: <<تالىباننىڭ تۋىتتېردا مەۋجۇتلۇقىنى كۆرسەتكەن، ئەمما سىلەر ئەڭ ياخشى كۆرىدىغان ئامېرىكا پىرېزىدېنتىنىڭ ئاۋازى جىمىقتۇرۇلغان دۇنيادا ياشىماقتىمىز. بۇنى قوبۇل قىلغىلى بولمايدۇ>> دېدى.

ئۇ <<TRUTH Social>> نىڭ كېلەر ئاي سەرخىل تەكلىپ قىلىنغۇچىلارغا قارىتا ئېچىۋېتىدىغانلىقىنى بىلدۈردى ۋە 2022-يىلنىڭ دەسلەپكى چارىكىدە قوللانغۇچىلار بىلەن يۈز كۆرۈشۈشىنىڭ پىلان قىلىنغانلىقىنى قەيت قىلدى.

ئىجتىمائىي تاراتقۇ سۇپىلىرى تۋىتتېر، گوگۇل، يۇتۇب ۋە فەيسبۇك قاتارلىقلار ترامپنىڭ ئادرېسىنى 6-يانۋار يۈز بەرگەن كونگرە ۋەقەلىرىدە مۇناسىۋەتلىك ئىكەنلىكىنى ئىلگىرى سۈرۈپ تاقىۋەتكەن ئىدى.



مۇناسىۋەتلىك خەۋەرلەر