шималий корейә американиң сәмимийликидин гуманлиниватқанлиқини билдүрди

шималий корейә башқурулидиған бомба синиқини әйиблигән америка қошма иштатлириға наразилиқ билдүрди.

1723056
шималий корейә американиң сәмимийликидин гуманлиниватқанлиқини билдүрди

түркийә авази радийоси хәвири: шималий корейә бүгүн байанат елан қилип, америка қошма иштатлириниң пйоңйаңниң әң йеңи башқурулидиған бомба синиқиға һәддидин зийадә инкас қайтуруши вә америка вәкилиниң шәртсиз сөһбәт өткүзүш тәклипини қайта тәкитлишидин кейин вашингитонниң сөһбәт өткүзүш тәлипиниң сәмимийликидин гуманлиниватқанлиқини әскәртти.

пйоңйаң йеқинқи бир нәччә һәптә ичидә елан қилған байанатида, башқа дөләтләргә охшаш шималий корейәниң қорал синиқиниңму мудапиә иқтидарини ашурушни мәқсәт қилидиғанлиқи әскәртилип, америка, җәнубий корейә вә бирләшкән дөләтләр тәшкилатини дүшмәнлик сийасити йүргүзүш вә «қош өлчәм» қоллиниш билән әйиблиди.

шималий корейә 15- сентәбир қисқа мусапилик баллистик башқурулидиған бомбисини, 28- сентәбир шималий корейә мәркизи хәвәр агентлиқи «йеңи тәрәққий қилдурулған сүрити аваздин тез» дәп атиған бир башқурулидиған бомбисини синақ қилғаниди.

шималий корейәниң башқурулидиған бомба синақ қилғанлиқини елан қилишидин кейин , америка билән әнглийә пйоңйаңниң йадро пирограммисиға алақидар мәсилиләрни б д т хәвпсизлик кеңишиниң күнтәртипигә киргүзди.



مۇناسىۋەتلىك خەۋەرلەر