нато мудапиә министирлири йиғини 21 - өктәбирдә башлиниду

шималий атлантик әһди тәшкилати — натоға әза дөләтләрниң дөләт мудапиә министирлири 10-айниң 21-күнидин 22-күнигичә йавропа иттипақиниң белгийәниң пайтәхти бирйусселда учришиду...

1722426
нато мудапиә министирлири йиғини 21 - өктәбирдә башлиниду

түркийә авази радийоси хәвири: шималий атлантик әһди тәшкилати — натоға әза дөләтләрниң дөләт мудапиә министирлири 10-айниң 21-күнидин 22-күнигичә йавропа иттипақиниң белгийәниң пайтәхти бирйусселдики баш оргинида учришип, афғанистан, русийә, хитай вә шималий атлантик әһди тәшкилати - йавропа иттипақи мунасивити қатарлиқ темиларни музакирә қилиду.

түркийәгә вакалитән дөләт мудапиә министири хулуси ақар иштирак қилидиған икки күнлүк нато дөләт мудапиә министирлири йиғини 21-өктәбир чүштин кейин башлиниду.

бу йиғин 6-айдики натоға әза дөләтләр башлиқлар йиғини вә иттипақ бу йил йазда афғанистандин чекинип чиққандин кейин өткүзүлгән тунҗи нато мудапиә министирлири йиғини болуши нуқтисидин муһим һесаблиниду.

йиғинниң афғанистанға мунасивәтлик қисмида, нато райондин чекинип чиққандин кейинки әң йеңи әһваллар, афғанистанда қолға кәлтүрүлгән нәтиҗиләрниң йоқилип кетишиниң алдини елиш үчүн қилишқа тегишлар ишлар, террорлуққа қарши туруш күриши қатарлиқ мәсилиләр музакирә қилиниду.

натониң русийәниң натодики вакаләтханисида вәзипә өтәватқан сәккиз хадимниң етирапнамисини бикар қилиши, арқидин русийәниң натониң москвадики паалийәтлирини тохтитишни қарар қилишидин кейин пәйда болған вәзийәт тоғрисида пикир алмаштурулиду.

нато йеқинқи мәзгилләрдә изчил тәкитләп келиватқан вә 6-айдики нато башлиқлар йиғининиң байанатидиму муһим орунға игә болған «хитайниң қәд көтүрүши» темиси нато мудапиә министирлириниң күнтәртипидә болиду.

йиғинниң иккинчи күнидә министирларға йавропа иттипақиниң ташқи мунасивәт вә бихәтәрлик сийасити бойичә алий вәкили җосеп боррелниңму қатнишиши мөлчәрләнмәктә.


خەتكۈچ: #уйғурчә , #нато

مۇناسىۋەتلىك خەۋەرلەر