blinkén ékwadorni ziyaret qildi

türkiye awazi radiyosi xewiri: amérika tashqi ishlar ministiri antoni blinkén ékwadorda xizmet ziyaritide boldi.

ékwador pirézidénti guyllérmo lasso amérika tashqi ishlar ministiri blinkén bilen körüshkende, démokratiyeni küchlendürüsh, köch we iqtisadiy mesililerge hel qilish charisi tépish üchün ikki döletning hemkarliq ornitishning muzakire qilinghanliqini éytti.

antoni blinkén ikki dölet otturisidiki dostluqning, pirézidént lassoning bashchiliqida téximu kücheygenlikini bildürüp: <<rayonda démokratik meniwi bayliqlarni, bixeterlikni we parawanliqni ilgiri sürüsh üchün shériklirimiz bilen körüshkenlikimdin xushalmen>> dédi.

u ékwador tashqi ishlar ministiri mawrijiyo montalwo bilen ayrim we heyetler ara körüshüshtin kéyin, birlikte axbarat élan qilish yighini ötküzdi.

blinkén ikki dölet otturisidiki sodini ashurush üchün muzakirelerning bashlanghanliqini bildürüp, amérika tereqqiyat pul-muamile idarisining ékwadordiki ottura we kichik karxanilargha, bolupmu ayallargha hazirdin bashlapla meblegh sélish hemde qerz bérish imkaniyetlirini teyyarlighanliqini eskertti.

u zherlik chékimlik etkeschiliki, parixorluqqa qarshi küresh, pul yuyush we bashqa xelqaraliq jinayetler, saqchilarning hemkarliqi qatarliq nurghun mesililerde kélishimlerning imzalanghanliqini bildürüp: <<ékwadorda aktip xizmet qiliwatqan bir ishxanimiz bar. 30 milyon dollardin artuq özara yardem, pul-muamile, maarip qatarliqlar burundinla birlikte qilwatqan xizmetler hésablinidu>> dédi.