yaponiye shimaliy koréyening ikki ballistik bashqurulidighan bomba sinaq qilghanliqini jakarlidi

yaponiye bash weziri kishida fumio shimaliy koréyening ikki ballistik bashqurulidighan bomba sinaq qilghanliqini élan qildi.

1721549
yaponiye shimaliy koréyening ikki ballistik bashqurulidighan bomba sinaq qilghanliqini jakarlidi

türkiye awazi radiyosi xewiri: yaponiye bash weziri kishida dölet metbuatlirigha qilghan sözide, shimaliy koréyening ikki ballistik bashqurulidighan bomba sinaq qilghanliqini, weqede ölüm-yétim we yarilinish körülmigenlikini éytti.

bash wezir kishida sintebirdin buyan shimaliy koréye qilghan bashqurulidighan bomba sinaqlirigha qarita «tolimu biteleylik» dep baha berdi we yaponiye armiyesige bixeterlikini qoghdash hemde yüz bérish éhtimali bolghan jiddiy ehwallargha teyyarliq qilish toghrisida yolyoruq bergenlikini bildürdi.

yaponiye kabinétining bash katipi matsono xirokazu:«birleshken döletler teshkilati bixeterlik kéngishining qararigha zit bu sinaqlarni yaponiye hökümiti qattiq eyibleydu» dédi.

dölet mudapie weziri kishi nobu sinaqqa munasiwetlik tepsilatlar heqqide melumat bermidi, emma hökümetning eng yéngi weziyetni tehlil qiliwatqanliqini eskertti.

yaponiye déngiz qirghiqi muhapizet etriti bashqurulidighan bomba chüshüsh éhtimalliqi bolghan rayonlardiki barliq yaponiye paraxotlirining agahlandurulghanliqini élan qildi.

jenubiy koréye armiye bash ishtabining bayanatigha asaslanghanda, bashqurulidighan bombining biri shu yer waqti saet 10:17 ötkende shimaliy koréyening sherqiy déngiz qirghiqidiki sinpo rayonidin yapon déngizigha qoyup bérilgen.

jenubiy koriyening dölet igilikidiki gézitlirining biri bolghan jongang ilbo bolsa, herbiy menbelirini asas qilghan  xewiride yene, bir bashqurulidighan bombining su asti paraxotidin qoyup bérilgenlikini yazdi.

shimaliy koréye merkizi axbarat agéntliqi (KCNA) ning bildürüshiche, 15-séntebirdimu  qisqa musapiliq ballistik bashqurulidighan bomba sinaq qilinghan. 28-séntebirde bolsa, «yéngidin tereqqiy qildurulghan (hipersonik) awaz tézlikidiki  bashqurulidighan bombilar sinaq qilinghan.



مۇناسىۋەتلىك خەۋەرلەر