parizhda aljiriye musteqilliqining qurbanliri xatirilendi

parizhda 1961-yili 17-öktebir aljiriyening musteqilliq kürishini qollash üchün tinchliq namayishlirini ötküzgen aljiriyeliklerni firansiye saqchilirining qirghin qilghanliqining 60-yilliqini xatirilesh yighilishida, namayishta jénidin ayrilghanlar xatirilendi.

1721078
parizhda aljiriye musteqilliqining qurbanliri xatirilendi
fransa 61 katliami cezayirliler1.jpg
fransa 61 katliami cezayirliler.jpg

türkiye awazi radiyosi xewiri:firansiye paytexti parizhda 1961-yili 17-öktebir aljiriyening musteqilliq kürishini qollash üchün tinchliq namayishlirini ötküzgen aljiriyeliklerni firansiye saqchilirining qirghin qilghanliqining 60-yilliqini xatirilesh yighilishida, namayishta jénidin ayrilghanlar üchün alahide murasim ötküzüldi.

parizhni asas qilghan 70 sheherde, aljiriyening musteqilliq urushi dawamlishiwatqan waqitta, öz dölitidiki musteqilliq herikitini qollash we yolgha qoyulghan kochigha chiqishni cheklesh siyasitige naraziliq bildürüsh üchün tinchliq usulda namayish qilghan 30 minggha yéqin aljiriyeliktin 300 din köpining öltürülüsh weqesi xatirilendi.

parizhdiki dangliq réks kinoxanisining aldigha toplanghan yiltizi aljiriyelik bolghan kishiler, qanliq weqeler yüz bergen saint mishél (Saint-Michel) köwrükining etrapidiki shatélét (Chatelet) meydanigha qarap yürüdi.

firansiyening qetliamini «dölet jinayiti» dep qobul qilishi toghrisida shoar towlighan namayishchilar, qetliamgha munasiwetlik barliq arxiplarning échilishini telep qildi. yighilishni teshkilligen guruppilardin bir top kishi, qurbanlarni xatirilep séyin deryasigha güllerni tashlidi.

saint mishél köwrükide qurbanlarni xatirilep qoyulghan lewhening aldigha gülchembirek we güller qoyuldi. saqchilar lewhening aldida, etrapida we köwrükte karidor hasil qilip, nahayiti az kishilerning gülchembirek qoyushigha ruxset qildi.

parizh saqchiliri qattiq bixeterliri tedbirlirini aldi.

firansiye pirézidénti makron paytext parizhda 1961-yili 17-öktebir kéchide aljiriyening musteqilliq kürishini qollash we kochigha chiqishni chekleshke naraziliq bildürüsh üchün tinchliq usulda namayish qilghan kishilerning qirghin qilinishida, eyni waqittiki parizh saqchi idarisining mudiri mariyus paponining bashchiliqida ötküzülgen jinayetlerning firansiye üchün kechürgili bolmaydighanliqini qeyt qilghan idi.



مۇناسىۋەتلىك خەۋەرلەر