birma aséan elchisining ang san su chi bilen körüshüshige yol qoymaydiken

türkiye awazi radiyosi xewiri: teywen xewer agéntliqi —CNA ning xewirige qarighanda, alaqidar emeldarlar sherqiy jenubiy asiya elliri ittipaqi elchisining birmada ziyarette bolushining aldini alalmighanliqini, emma elchining jinayi qilmishlarni sadir qilish bilen eyiblinip qamaqta yétiwatqan su chi bilen körüshüshige yol qoyulmaydighanliqini bildürgen.

armiye bayanatchisi zaw min tun bayanat bérip, birleshken döletler teshkilati (b d t) ning herbiy hökümetning b d t bash elchi namzatini testiqlishini kéchiktürüshining siyasiy meqsetlik ikenlikini otturigha qoyup, b d t hemde bashqa dölet we teshkilatlarning «xelqara munasiwetlerde qosh ölchemdin saqlinishi kérek»likini tekitligen.

sherqiy jenubiy asiya elliri ittipaqining alahide wekili eriwan yüsüf ötken hepte bayanat bérip, herbiy hökümetning sherqiy jenubiy asiya elliri ittipaqining pilanigha tutqan pozitsiyesining «arqigha chékinish dégenlik bolidighanliqi»ni, bir qisim eza döletlerning min ang xulingni mushu aydiki bashliqlar yighinining sirtida qaldurush toghrisida «chongqur muzakirilerni élip barghanliqi»ni qeyt qilghanidi.

eriwan mushu heptining béshidiki bayanatida, özining terep tutmaydighanliqini yaki siyasiy pozitsiye bildürmigenlikini we bu ziyaretni ishqa ashurushni teqezzaliq bilen kütüwatqanliqini bildürgenidi.