putin mérkél we makron bilen téléfonlashti
rusiye pirézidénti wiladimir putin gérmaniye bash ministiri angéla mérkél we firansiye pirézidénti émmanuél makron bilen téléfonda körüshti.
türkiye awazi radiyosi xewiri: kirémil sariyining bildürüshiche, rusiye pirézidénti wiladimir putinning gérmaniye bash ministiri angéla mérkél we firansiye pirézidénti émmanuél makron bilen élip barghan we ukrainaning sherqidiki kirizis muzakire qilinghan téléfon söhbitide, bu mesilini hel qilish musapisining astilishidin endishe qiliniwatqanliqi otturigha qoyulghan.
putin, ukraina hökümitining bu mesilige munasiwetlik kélishimlerge riaye qilmaywatqanliqini ilgiri sürgen téléfon söhbitide, üch rehber, bu mesile toghrisida 2015-yili hasil qilinghan minsik kélishimlirining ijra qilinishining muhimliqini we kelgüside normandiye formatsiyesi dairiside hemkarliq ornitishqa köngül bölidighanliqlirini tekitligen.
üch rehber, munasiwetlik organlargha, normandiye formatsiyesi dairiside alaqini kücheytip, qoyuq paaliyet élip bérish toghruluq yolyoruq chüshürgen.
