yéngi zélandiye sehiye we maarip xizmetchilirige waksina emlitishni mejburiy yolgha qoydi

wuxen wirusi (Kovid-19) ning yéngi wariyantigha qarshi küresh dawamlishiwatqan yéngi zélandiyede, sehiye we maarip saheside xizmet qildighanlargha waksina emltish mejburiy yolgha qoyuldi.

1717720
yéngi zélandiye sehiye we maarip xizmetchilirige waksina emlitishni mejburiy yolgha qoydi

türkiye awazi radiyosi xewiri: yéngi zélandiyening wuxen wirusigha qarshi küresh qilish ministiri kris xopkinis wirusning tarqilishining aldini élish üchün muhim bolghan ikki orunning xizmetchiliri üchün yolgha qoyulghan mejburiy waksina emlitish belgilimisi toghrisida ministirliqning tor bétide bayanat élan qildi.

u: «bu orunlarda xizmet qilidighanlarning köpinchisi toluq waksina emletken yaki qismen emletken bolsimu, her qandaq ishni teleyge tashlap qoyalmaymiz. waksina emlitishni mejburiy qilduq. bu asan chiqqan qarar emes, emma mezkur qedemni tashlash üchün téxi waksina emletmigen kishiler bilen xizmet qilidighan bu kishilerge éhtiyajliqmiz» dédi.

yéngi zélandiyede sehiye xizmetchilirining birinchi waksinasini 30-öktebirgiche (2021) ikkinchi waksinasini 2021-yili 1-dékabirghiche emlitip bolushi؛ oqutquchilarning bolsa, birinchi waksinasini 15-noyabirghiche, ikkinchi waksinasini 2022-yili 1-yanwarghiche emlitip bolush belgilimisi chiqirildi.

yéngi zélandiyening resmiy melumatlirigha asaslanghanda, birinchi waksinasini emletkenlerning nisbiti %67 ke, ikkinchi waksinasini emletkenlerning nisbiti %47 ke yetken.



مۇناسىۋەتلىك خەۋەرلەر