taliban: amérika heyiti bilen ötküzgen uchrishishimiz yaxshi ötti

taliban afghanistan hakimiyitini ötküzüwalghandin kéyin 9-10-öktebirde qatar paytexti dohada amérika heyiti bilen ötküzülgen tunji qétimliq uchrishishlarning yaxshi bolghanliqini élan qildi.

1717772
taliban: amérika heyiti bilen ötküzgen uchrishishimiz yaxshi ötti

türkiye awazi radiyosi xewiri: taliban bayanatchisi zabihullah mujahid twittérda bayanat élan qilip, uchrishishlarning semimiy shekilde ötkenlikini, mesililerni hel qilish üchün yaxshi purset bolghanliqini we éhtiyaj hés qilinghan ehwalda uchrishishlarni dawamlashturush toghrisida tereplerning pikir birliki hasil qilghanliqini bildürdi.

bayanatta, uchrishishlarda siyasiy mesililerning tepsiliy muzakire qilinghanliqi we talibanning mesililerni hel qilish üchün 2020-yili féwralda terepler arisida imzalanghan doha kélishimini kemkütsiz ijra qilishining eng yaxshi yol ikenlikini tekitligenliki qeyt qilindi.

bayanatta, amérika wekillirining washington hökümitining afghanistan xelqige insanperwerlik yardemlirini yetküzidighanliqi we bashqa insanperwerlik teshkilatlirigha asanliq yaritip béridighanliqlirini éytqanliqi eskertildi.


خەتكۈچ: #taliban , #doha

مۇناسىۋەتلىك خەۋەرلەر