yaponiye bilen rusiye pütüshti
yaponiye rusiye bilen tinchliq kélishimi toghrisida söhbet ötküzüshni dawamlashturush mesiliside birdeklik hasil qilghanliqlirini uqturdi.
türkiye awazi radiyosi xewiri: yaponiye bash weziri kishida fumio, rusiye pirézidénti wiladimir putin bilen téléfonda körüshkendin kéyin élan qilghan bayanatida, téléfon söhbitide, putin bilen ikki dölet munasiwetliri we rayonluq özgirishler heqqide muzakire élip bérip, ikkinchi dunya urushidin kéyinki ikki dölet otturisidiki tinchliq kélishimi toghrisida söhbet ötküzüshni dawamlashturush mesiliside birdeklik hasil qilghanliqlirini eskertish bilen bir waqitta, xokkaydoning sherqiy shimalidiki kuril rayonigha jaylashqan rusiyening kontrolluqidiki 4 aralning qanuniy salahiyiti mesilisini hel qilishqa tirishidighanliqlirini tekitlidi.
yaponiye – rusiye munasiwetlirini özara tereqqiy qildurushni nishan qiliwatqanliqlirini éytqan kishida, putinning köpligen sahelerde diyalogni dawamlashturush niyiti barliqini qeyt qildi.
ikkinchi dunya urushi axirlashqandin kéyin, sabiq sowét ittipaqi, yaponiyening tinch okyanni oxotsk déngizidin ayriydighan we uzunluqi texminen 1300 kilométir kélidighan kuril arilini 1945-yili bésiwalghanidi.
igilinishiche, rusiyening kuril arilini bésiwélishidin kéyin, yaponiye teripidin «shimaliy rayonlar» dep atalghan bu zémin parchisi mesilisidiki kélishmeslik sewebidin, rusiye bilen yaponiye otturisidiki tinchliq kélishimi imzalash söhbetliride, terepler héchqandaq netije hasil qilalmay kelmekte iken.
