пакистанда йәр тәврәп нурғун адәм өлди
пакистанниң белуҗистан өлкисидә йүз бәргән 5.9 бал чоңлуқтики йәр тәврәш апитидә 20 адәм қаза қилди.
1716020
түркийә авази радийоси хәвири: пакистан дөләтлик йәр тәврәшни көзитиш мәркизиниң билдүрүшичә, белуҗистан өлкисиниң һарнай райони әтрапида, һәмдә кетта, сибби, пишин вә чаман районлирида, шу җай вақти әтигән саәт 03.20 дә, 15 километир чоңқурлуқта 5.9 бал йәр тәвригән.
пакистан таратқулириниң хәвәр қилишичә, йәр тәврәш апитидә, 6 балини өз ичигә алған 20 адәм қаза қилған, 300 дин артуқ адәм йариланған, көп санда өй - макан зийанға учриған, бәзи районларда йәр көчүш һадисилири көрүлгән.
игилинишичә, йәр тәврәш апити еғир талапәт йәткүзгән районларда издәш – қутқузуш паалийәтлири давамлашмақта икән.
