авистирийалийәниң хәлқаралиқ чегра еғизлири нойабирда ечиветилиду

түркийә авази радийоси хәвири: моррисон, пайтәхт канберрада өткүзүлгән мухбирларни күтүвелиш йиғинида, «ковид – 19» йуқуми ваксинисиниң һәр икки шешисини әмләткүзгәнләрниң нойабирда чәт әлгә сайаһәткә чиқалайдиғанлиқини, хәлқаралиқ чегра еғизлириниң, алди билән, һәр икки шешә ваксина әмләш нисбити йеқинда % 80 кә йетиши күтүлүватқан йеңи җәнубий галлер иштатидин башлап, бу нисбәткә йәткән башқа иштатлардиму ечиветилидиғанлиқини, дөләткә қайтидиған қош шешә ваксина әмләткән авистирийалийәликләрниң, илгирикидәк 14 күн меһманханиларда карантин астиға киришниң орниға, йеңи җәнубий галлер иштатида уда 7 күн өз өйлиридә карантин астиға киридиғанлиқини тәкитләп мундақ деди: «чегра еғизлирини тақаш арқилиқ хәлқимизниң һайатлирини қутқузуп қалдуқ, уларниң турмуш мәнбәлирини қоғдидуқ, әмди биз, авистиралийәликләрниң илгирикигә охшаш бу дөләттә әркин - азадә йашишиға капаләтлик қилиш үчүн, бирликтә тиришчанлиқ көрситишимиз лазим.»

игилинишичә, авистирийалийәгә баридиған вә «ковид – 19» йуқуми ваксинисини әмләткүзмигәнләр үчүн, 14 күнлүк меһманханиларда карантин астиға кириш бәлгилимиси давамлиқ йолға қойулидикән.