israiliye ichki ishlar ministiri: yehudiy köchmenlerning hujumi térrorluq herikitidur
israiliye ichki ishlar ministiri yair lapid, yehudiy köchmenlerning tünügün ishghal astidiki iyordan deryasining gherbiy qirghiqida pelestinliklerge qilghan hujumini «térrorluq herikiti» dep atap, naraziliq bildürdi.
türkiye awazi radiyosi xewiri: yair lapid, ammiwi ortaqlishish tor béti Twitter sehipiside, yehudiy köchmenlerning tünügün ishghal astidiki iyordan deryasining gherbiy qirghiqigha jaylashqan elxelil shehirige qarashliq mesapér yatta rayoni etrapida pelestinliklerge qilghan hujumini «térrorluq herikiti» dep atidi we buninggha naraziliq bildürüp mundaq dédi: «bu zorawanliq weqesi qorqunchluq térrorluq herikitidur, bu hergizmu ne israiliye ne yehudiylarning tutqan yoli emestur, eksiche bu zorawanliqtur we xeterlik shekildiki chékidin éshishtur.»
yehudiy köchmenler, tünügün mésapér yatta rayonida pelestinliklerge hujum qilghan, weqelerde biri bala bolup, jemiy 12 kishi yarilanghanidi.
rayondiki déhqanlarning öchkilirinimu pichaqlighan zorawanlar, pelestinliklerning öyliri we aptomobillirini chalma-kések qilghanidi.