béyjing: aukus kélishimi rayondiki yadro qorallinishni kücheytiwétishi mumkin

türkiye awazi radiyosi xewiri: béyjing, amérika qoshma ishtatliri, engliye we awstraliye otturisida imzalanghan «aukus (amérika, engliye we awstraliye) alahide bixeterlik kélishimi»ning rayonda yadro kéngiyishini ashuruwétishi éhtimali barliqini éytip agahlandurdi.

xitay tashqi ishlar ministiri wang yi malayshiya we brunéy tashqi ishlar ministirliri bilen ötküzgen téléfon söhbiti jeryanida aukus kélishimi toghrisida toxtaldi.

wang yi aukusning rayonda yadro qorallinishni qozghitish we buning türtkiside rayondiki qoral-yaragh riqabitini ulghaytiwétish éhtimali barliqini ilgiri sürdi.

xitay, sherqiy jenubiy asiya elliri ittipaqi we bashqa rayon döletlirining ortaq tirishchanliqi sayisida bu rayonning dunyaning eng hayatiy küchke tolghan we eng téz tereqqiy qiliwatqan rayonigha aylanghanliqigha isharet qilghan ministir wang, yadro we omumiy qorallinishning rayonning güllinishi we muqimliqigha ziyan yetküzidighanliqini éytti.

u yene, aukusning rayonda «soghuq munasiwetler urushi» rohiy halitining qaytidin janlinishini keltürüp chiqirish mumkinchiliki barliqigha isharet qildi.

awstraliye, amérika we engliye qatarliq üch dölet xitayning rayondiki künséri éshiwatqan küchige qarshi heriket qollinip, 16 - séntebirde «aukus» namliq bixeterlik hemkarliqi kélishimi imzalighan we kélishimning rohigha asasen, awstraliyening adélaydé shehiride kem dégende 8 yadro énérgiyelik su asti paraxotining yasilidighanliqi élan qilinghanidi.