«xitay bilen yawropa ittipaqi kélismeshliklerge qarimay birlikte heriket qilishi kérek»

yawropa ittipaqi tashqi munasiwetler we bixeterlik ishliri siyasiti aliy wekili josép borél, xitay bilen yawropa ittipaqining kélishmesliklerge qarimay dawamliq birlikte heriket qilishi lazimliqini éytti.

1711988
«xitay bilen yawropa ittipaqi kélismeshliklerge qarimay birlikte heriket qilishi kérek»

türkiye awazi radiyosi xewiri: yawropa ittipaqi tashqi munasiwetler we bixeterlik ishliri siyasiti aliy wekili josép borélning ishxanisi teripidin élan qilinghan bayanatta eskertilishiche, 11 – nöwetlik yawropa ittipaqi – xitay istiratégiyelik diyalog yighini chaqirilghan.

xitay tashqi ishlar ministiri wang yi bilen körüshken yawropa ittipaqi tashqi munasiwetler we bixeterlik ishliri siyasiti aliy wekili josép borél, kélishmesliklerning dawamlishiwatqanliqini, shundaqtimu, yawropa ittipaqi bilen xitayning köpligen muhim mesililerde birlikte heriket qilishi we yawropa ittipaqi – xitay otturisida  kishilik heq – hoquq mesiliside qayta diyalog  ornitishi lazimliqini tekitligen, hemde kéler qétimliq yighinning yil axiridin burun chaqirilishini ümid qilidighanliqini  éytqan.

bayanatta qeyt qilinishiche, bu dairide,  uyghur  aptonom rayoni we xongkongning nöwettiki weziyiti toghriliqmu muzakire élip bérilghan, borél, teywen mesiliside yawropa ittipaqining «birla xitay» siyasitini qollaydighanliqini tekitligen.

ikki rehber, birma mesiliside yawropa ittipaqi bilen xitayning rayonning muqimliqigha qarita menpeet hem endishilirini ortaqlashqan, borél, afghanistan mesilisi toghruluq küchlük hemkarliq ornitish lazimliqini otturigha qoyghan.



مۇناسىۋەتلىك خەۋەرلەر