amérikada jinayi qilmishlarning nisbiti %30 ashti
amérikadiki «shexsiy qorallarning téz sürette köpiyishi» bu dölettiki qatilliq nisbitidimu öz ipadisini tapti.
türkiye awazi radiyosi xewiri: amérika fédératsiye tekshürüsh idarisi — FBI ning 2020-yilliq fédératsiye jinayi ishlar istatistika doklatigha qarighanda, 2020-yili amérikada yüz bergen qatilliq jinayetliri aldinqi yilgha sélishturghanda %30 éship, hazirghiche tizimgha élinghan jinayet xatiriliridiki eng téz éshish körülgen.
doklatta yene, oxshash mezgildiki zorawanliq qilmishliri nisbitining %5 ashqanliqi, fédératsiye tekshürüsh idarisigha doklat qilinghan jinayetler omumiy sanining %6 azayghanliqi qeyt qilindi.
2020-yili 21 ming 500 din artuq qatilliq jinayiti sadir qilinghan bolup, bu sanning 1990-yillarning otturiliridiki qatilliq sani bilen qaytidin tengliship qalghanliqi bildürüldi.
ilgiri sürülishiche, amérika fédératsiye tekshürüsh idarisining yilliq jinayet istatistika doklati, amérikada sadir qilinghan jinayi qilmishlarning eng tepsiliy we resmiy xatirisi dep qaralsimu, emma umu bu dölette sadir qilinghan barliq jinayetlerni eks ettürmeydiken.
yerlik qanun ijra qilish organlirining doklatqa kéreklik uchurlarni melum qilishi telep qilinmighachqa, 2020-yilliq doklatning amérikadiki jamaet xewpsizlik tarmaqlirining texminen %85 ning qatnishishi bilen teyyarlanghanliqi élan qilindi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.