америкада җинайи қилмишларниң нисбити %30 ашти

америкадики «шәхсий қоралларниң тез сүрәттә көпийиши» бу дөләттики қатиллиқ нисбитидиму өз ипадисини тапти.

1711500
америкада җинайи қилмишларниң нисбити %30 ашти

түркийә авази радийоси хәвири: америка федератсийә тәкшүрүш идариси — FBI  ниң 2020-йиллиқ федератсийә җинайи ишлар истатистика доклатиға қариғанда, 2020-йили америкада йүз бәргән қатиллиқ җинайәтлири алдинқи йилға селиштурғанда %30 ешип, һазирғичә тизимға елинған җинайәт хатирилиридики әң тез ешиш көрүлгән.

доклатта йәнә, охшаш мәзгилдики зораванлиқ қилмишлири нисбитиниң %5 ашқанлиқи, федератсийә тәкшүрүш идарисиға доклат қилинған җинайәтләр омумий саниниң %6 азайғанлиқи қәйт қилинди.

2020-йили 21 миң 500 дин артуқ қатиллиқ җинайити садир қилинған болуп, бу санниң 1990-йилларниң оттурилиридики қатиллиқ сани билән қайтидин тәңлишип қалғанлиқи билдүрүлди.

илгири сүрүлишичә, америка федератсийә тәкшүрүш идарисиниң йиллиқ җинайәт истатистика доклати, америкада садир қилинған җинайи қилмишларниң әң тәпсилий вә рәсмий хатириси дәп қаралсиму, әмма уму бу дөләттә садир қилинған барлиқ җинайәтләрни әкс әттүрмәйдикән.

йәрлик қанун иҗра қилиш органлириниң доклатқа керәклик учурларни мәлум қилиши тәләп қилинмиғачқа, 2020-йиллиқ доклатниң америкадики җамаәт хәвпсизлик тармақлириниң тәхминән %85 ниң қатнишиши билән тәййарланғанлиқи елан қилинди.



مۇناسىۋەتلىك خەۋەرلەر