afghanistandiki talibangha qarshi kishiler ijtimaiy taratqudiki adréslirini öchürüshke bashlidi

afghanistandiki talibangha qarshi nurghun kishiler ijtimaiy taratqudiki uchurlirini öchürüshni yaki adrésni pütünley taqiwétishni bashlidi.

1711741
afghanistandiki talibangha qarshi kishiler ijtimaiy taratqudiki adréslirini öchürüshke bashlidi

türkiye awazi radiyosi xewiri: ijtimaiy taratqu supisi — fyésbuk afghanistandiki abunétliri üchün adréslirini quluplash, mezmunlarni körüshni ret qilish qatarliq alahidiliklerni ilawe qilip berdi.

taliban ötken ay afghanistanda hakimiyet béshigha kélishtin ilgiri dölet miqyasidiki nurghun öktichi ijtimaiy taratquni talibangha qarshi aktip ishletkenidi.

taliban ilgiri özlirige qarshi urush qilghan yaki aldinqi hökümetning bir parchisi bolghan barliq kishilerni kechürüwetkenlikini jakarlighan bolsimu, dölettin qéchiwatqanlarning bir qismi kechürüm élanigha ishenmeydiken.

bérilgen wedilerge qarimay, taliban jengchilirining paytext kabul qolgha kirgüzülgendin kéyin puqralarni qetl qilghanliqigha dair xewerler tarqalghanidi.

ötken hepte taliban mudapie ministiri muhemmed yaqub awazliq uchur tarqitip, taliban jengchilirining puqralarni intiqam élish meqsetlik öltürgenliki toghrisida bezi doklatlarning barliqini qobul qilghanidi.



مۇناسىۋەتلىك خەۋەرلەر