erdoghan amérikaning térrorluq teshkilatlirigha tutqan pozitsiyesini tenqid qildi

jumhur reis rejeptayyip erdoghan térrorluq teshkilatlirigha qoral- yaragh bérilmesliki kéreklikini otturigha qoydi.

1710758
erdoghan  amérikaning térrorluq teshkilatlirigha tutqan pozitsiyesini tenqid qildi

türkiye awazi radiyosi xewiri: jumhur reis erdoghan 76 – nöwetlik b d t omumiy kéngishi yighinigha ishtirak qilish üchün barghan amérikaning nyuyork shehiride amérikaning CBS téléwiziye qanilining «milletke yüzlinish» programmisining riyasetchisi margarét brénnanning soallirigha jawab berdi.

erdoghan amérikaning térrorluq teshkilatlirini qollishigha  naraziliq bildürüp: «aldi bilen,p k k / y p g/ p y d térrorluq teshkilatlirigha bu xil qoral yardemliri bérilmesliki kérek» dédi.

jumhur reis erdoghan riyasetchi brénnanning «amérikaning daéshqa qarshi küreshte qollinishi üchün, özi ittipaqdash dep qarighan (térrorluq) guruppilirigha bergen qorallarning türkiyege qarshi ishlitilgenlikige ait pakit barmu? amérikaning qollishi seweblik bu guruppilar silerge tehdit peyda qildimu?» dégen soaligha: «men buni hörmetlik (sabiq pirézidént donald) tramp dewride tirampning özigimu dégenidim. hazirmu yene oxshash usulda yük mashiniliri bilen oq – dora qatarliqlar rayongha (süriye we iraq) kéliwatidu. bularning hemmisini biz dölet bixeterlik teshkilatimiz arqiliq bildürduq, bildürüwatimiz. elwette, buningdin kéyinki basquchtimu oxshash usulda otturigha qoyimiz» dep jawab berdi.

jumhur reis erdoghan: «bularni amérika pirézidénti jo baydingha sundingizmu?» dégen soalgha «biz bularning hemmisini söhbetdashlirimizgha sunduq. hazirmu méning dölet bixeterlik ishliri idarisi bashliqimmu oxshash usulda bularni söhbetdashlirigha sundi, sunuwatidu. buningdin kéyinmu bularni otturigha qoyushtin waz kechmeymiz. chünki bezi heqiqetler bar. amérika nato döliti. bizmu nato döliti. bizning natoda hemkarlishishimiz turghan yerde, térrorluq teshkilatliri bu yerlerdin bu xil yardemlerge érishmesliki kérek. buni otturigha qoyushqa mejburmiz» dep jawab berdi.



مۇناسىۋەتلىك خەۋەرلەر