péskow erdoghan - putin uchrishishi toghrisida bayanat berdi

türkiye awazi radiyosi xewiri: rusiye pirézidéntliq mehkimisi — kirimél bayanatchisi dimitry péskow, pirézidént wiladimir putin bilen jumhur reis rejep tayyip erdoghanning süriye, afghanistan we liwiye mesililiri toghrisida sözlishidighanliqini bildürdi.

bayanatchi dimitry péskow paytext moskwada muxbirlargha bayanat bérip, 29 – séntebir rusiyening sochi shehiride ishqa ashurulushi pilanliniwatqan putin bilen erdoghanning uchrishishining teyyarliq xizmetlirinng dawamlishiwatqanliqigha isharet qilghan halda: «ikki rehberning herdaim sözlishidighan nurghun nersiliri bar. bolupmu süriye we elwette afghanistan küntertipliride bolidu. liwiye we bashqa xelqaraliq mesililer toghrisida eneniwi shekilde pikir almashturulidu» dégenlerni qeyt qildi.

uchrishishta ikki dölet munaiswetliri toghrisidimu pikir almashturulidighanliqini bildürgen péskow: «ikki dölet munasiwetliri jehettin nurghun ortaq nuqta bar؛ iqtisadiy sahediki ortaq türlerge alaqidar xizmetler, soda we iqtisadiy munasiwetler» dégenlerni sözlirige ilawe qildi.