гиретсийә баш министири: түркийә билән һәмкарлиқ орнитиш йолида давамлиқ издинимән

гиретсийә баш министири кирйакос мичотакис түркийә билән һәмкарлиқ орнитиш йолида  пүтүн күчи билән издинидиғанлиқини билдүрди.

1710392
гиретсийә баш министири: түркийә билән һәмкарлиқ орнитиш йолида давамлиқ издинимән

түркийә авази радийоси хәвири: гиретсийә баш министири кирйакос мичотакис,  бирләшкән дөләтләр тәшкилатиниң 76 – нөвәтлик омумий кеңиши йиғинлири даирисидә  қилған сөзидә, түркийә билән гиретсийә оттурисида уда бир йилдин буйан давамлишиватқан сүркилиш һәққидә тохтилип, гиретсийәниң, түркийә билән дийалог қаналлирини һәмишә очуқ тутуш тәрәпдари болуп кәнгәнликини, 2020 – йили икки дөләт оттурисида йүз бәргән сүркилишниң тәкрарлинишини халимайдиғанлиқлирини қәйт қилди.

гиретсийәниң түркийә билән һәмкарлиқ орнитип, йеңи ортақ дүшмәнләргә қарши бирликтә күрәш қилиш мумкинчиликиниң барлиқини илгири сүргән мичотакис, түркийә билән килимат өзгириши вә көчмәнләр мәсилисидә һәмкарлиқ орниталайдиғанлиқлирини, дәрвәқә, тарихий вә җуғрапийәлик алаһидиликләрниң икки дөләтни бир - биригә йеқинлаштуридиғанлиқини тәкитләп мундақ деди: «түркийә билән һәмкарлиқ орнитиш йолида  пүтүн күчүм билән тиришчанлиқ көрситип, давамлиқ издинимән.»



مۇناسىۋەتلىك خەۋەرلەر