yawropa ittipaqi: türkiye bilen qoyuq hemkarliq ornitish diplomatik munasiwetlerning asasi

yawropa ittipaqi tashqi munasiwetler we bixeterlik ishliri siyasiti aliy wekili josép borél türkiye bilen qoyuq hemkarliq ornitish we mas qedemde heriket qilishning diplomatik munasiwetlerning asasi ikenlikini bildürdi.

1709953
yawropa ittipaqi: türkiye bilen qoyuq hemkarliq ornitish diplomatik munasiwetlerning asasi

türkiye awazi radiyosi xewiri: yawropa ittipaqi tashqi munasiwetler we bixeterlik ishliri siyasiti aliy wekili josép borél, birleshken döletler teshkilatining 76 – nöwetlik omumiy kéngesh yighinliri üchün amérika qoshma ishtatlirining niyu york shehiride ziyarette boluwatqan dölitimiz tashqi ishlar ministiri mewlüt chawushoghlu bilen körüshkendin kéyin, ammiwi ortaqlishish tor béti Twitter sehipiside, yawropa ittipaqi – türkiye munasiwetliri heqqide élan qilghan bayanatida, mundaq dédi: «birleshken döletler teshkilati omumiy kéngishi yighinliri esnasida chawushoghlu bilen körüshkenlikimdin intayin xursenmen, uchrishishta, yawropa ittipaqi – türkiye munasiwetliridin sirt yene, qibris mesilisi, sherqiy aqdéngiz we afghanistanning nöwettiki weziyiti heqqide muzakire élip barduq, türkiye bilen qoyuq hemkarliq ornitish we mas qedemde heriket qilish, diplomatik munasiwetlerning asasidur.»

chawushoghlumu, uchrishishtin kéyin élan qilghan bayanatida, «xelqaraliq we rayonluq muqimliq üchün yawropa ittipaqining türkiye bilen hemkarliq ornitishi shert» dégenidi.



مۇناسىۋەتلىك خەۋەرلەر