yaponiye, amérika we jenubiy koréye shimaliy koréye mesiliside hemkarliq signali berdi

yaponiye, amérika we jenubiy koréye shimaliy koréyeni yadrosizlashturush mesiliside hemkarliqni yenimu yüksek sewiyege yetküzüsh signali berdi.

1709722
yaponiye, amérika we jenubiy koréye shimaliy koréye mesiliside hemkarliq signali berdi

türkiye awazi radiyosi xewiri: yaponiye bash weziri motégi toshimitsu amérika qoshma ishtatlirining niyu york shehiride chaqirilghan birleshken döletler teshkilatining 76 – nöwetlik omumiy kéngesh yighinliri dairiside amérikaliq we jenubiy koréyelik mensepdashliri bilen «shimaliy koréye» mesilisi toghruluq söhbetleshti.

üch tereplik uchrishishta, yaponiye bash weziri motégi toshimitsu, amérika qoshma ishtatliri tashqi ishlar ministiri antoni blinkén, jenubiy koréye diplomatiye ministiri chung uy yung, birleshken döletler teshkilatining qararlirining ijra  qilinip, diplomatik tirishchanliqlarning yenimu yüksek sewiyege yetküzülüshi we shimaliy koréyening yadrosizlashturulushi mesiliside birdeklik hasil qildi.

uchrishishning axbarat wasitilirigha ochuq bölümide söz qilghan motégi, ministirlar derijilik bu uchrishishni, «özara pikir almashturush üchün nahayiti yaxshi purset» dep atap mundaq dédi: «shimaliy koréyening yéqinqi yadro we ballistik bashqurulidighan bomba paaliyetliri yaponiye, rayon we xelqara jemiyetke tehdit salmaqta.»

amérika qoshma ishtatliri tashqi ishlar ministirliqi bayanatchisi néd prays, tashqi ishlar ministiri antoni blinkénning, «koréiye yérim arilining yadrosizlashturulushi» mesiliside yaponiye we jenubiy koréye bilen dawamlishiwatqan hemkarliqqa qarita ehdilirige wapa qilidighanliqini tekitligenlikini qeyt qildi.

eng axirqi qétim may éyida, engliyening paytexti londonda chaqirilghan 7 – g guruhi aliy derijilik rehberler uchrishishi dairisidiki tashqi ishlar ministirliri  yighinida bir yerge jem bolghan üch ministir, yene, asiya rayoni «birma, xitay mesililiri» nimu öz ichige alghan kilimat özgirishi qatarliq mesililer heqqide keng dairilik muzakirilerni élip barghanidi.



مۇناسىۋەتلىك خەۋەرلەر