israiliye armiyesi pelestinlik zhurnalistni yarilandurdi

israiliye armiyesi ishghaliyet astidiki gherbiy qirghaqqa jaylashqan nablus shehirining sherqide pelestinlik bir zhurnalistqa qaritip oq chiqardi we uni yarilandurdi.

1709639
israiliye armiyesi pelestinlik zhurnalistni yarilandurdi

türkiye awazi radiyosi xewiri: pelestin axbarat uyushmisi teripidin élan qilinghan bayanatta, pelestinlik fotograf muxbiri nasir eshtiyyening nablusning deyr el xatab yézisida israiliye armiyesining atqan oqida béshidin yarilanghanliqi bildürüldi.
pelestin axbarat uyushmisi israiliyening deyr el xatab yézisidiki muxbirlargha qilghan hujumini qattiq eyiblidi.
bashqa bir axbarat menbesining anadolu agéntliqigha bergen melumatlirigha asaslanghanda, israiliye armiyesi tünügün kechte deyr el xatab yézisigha qilghan hujumida heqiqiy we kawchuk oqlarni shundaqla gaz we awaz bombilirini ishletken.
bu ehwalgha qarita pelestinlik yashlar bilen israiliye armiyesi otturisida sürkülüsh yüz bergen.
israiliye armiyesi gherbiy qirghiqidiki yéza-bazarlargha qarita élip barghan hujumlirida bixeterlik nuqtisidin tutush buyruqi chiqirilghan dégen bahane bilen pelestinliklerni nazaretke élp kelmekte. 
 



مۇناسىۋەتلىك خەۋەرلەر