taliban b d t gha mektup yollap, omumiy kéngesh yighinlirigha ishtirak qilishni telep qildi

ötken ay afghanistanda hakimiyetni qoligha alghan taliban birleshken döletler teshkilati (b d t)gha mektup yollap, nyuyorkta dawamlishiwatqan 76 – nöwetlik b d t omumiy kéngishi yighinlirigha ishtirak qilishni telep qildi.

1708989
taliban b d t gha mektup yollap, omumiy kéngesh yighinlirigha ishtirak qilishni telep qildi

türkiye awazi radiyosi xewiri: b d t da afghanistangha kimning wekillik qilidighanliqi mesilisi detalash qiliniwatqan bir peytte, taliban b d t bash katipliq ishxanisigha mektup yollap, afghanistangha kona hökümetning emes, özlirining wekillik qilishi kéreklikini otturigha qoydi.

taliban waqitliq hökümitining tashqi ishlar ministiri wekili emirxan mutteqi imzaliq mektupta, 76 – nöwetlik b d t omumiy kéngishi yighinlirigha ishtirak qilish telep qilindi we taliban bayanatchisi suheyil shahinni afghanistanning b d t da turushluq daimiy wekillikige namzat qilip körsetti.

döletler, b d t da turushluq bash elchi namzatlirining ismlirini teshkilatqa ewetkendin kéyin, namzatlar b d t omumiy kéngishining munasiwetlik komitétida awazgha qoyulidu.

nöwette 76 – nöwetlik b d t omumiy kéngishi yighinlirida afghanistangha kona hökümetning b d t da turushluq daimiy wekili ghulam ishaqzay wekillik qilmaqta.


خەتكۈچ: #uyghurche , #mektup , #b d t , #taliban

مۇناسىۋەتلىك خەۋەرلەر