nambiyede «irqiy qirghinchiliq tölimi» kélishimige qattiq naraziliq bildürüldi

nambiyede gérmaniye bilen tüzülgen «irqiy qirghinchiliq tölimi» kélishimige naraziliq bildürgen siyasiyonlar bilen qebile bashliqliri parlamént binasigha bésip kirdi.

1708963
nambiyede «irqiy qirghinchiliq tölimi» kélishimige qattiq naraziliq bildürüldi

türkiye awazi radiyosi xewiri: nambiyede chiqidighan «‹sun› géziti» ning xewer qilishiche, gérmaniyening «irqiy qirghinchiliq» tin kechürüm sorishi we 1 milyard 100 milyon yawroluq tereqqiyat yardimini yéterlik dep qarimighan namayishchilar, özlirige meslihet sélinmay hasil qilinghan kélishimge qattiq narazliq bildürgen.

paytext windxokqa yighilghan yüzligen namayishchilar, yürüshtin kéyin parlamént binasigha bésip kirgen.

gérmaniye tashqi ishlar ministiri héyko maas, dölitining, 5-ayning 28-küni, héréro we nama xelqlirige qarshi sadir qilinghan jinayi qilmishlarni «irqiy qirghinchiliq» dep qaraydighanliqini bayan qilghan, hemde buning namayendisi süpitide 30 yil ichide «irqiy qirghinchiliq» qurbanlirining newrilirini qollash üchün  1 milyard 100 milyon yawroluq meblegh ajritilidighanliqini bildürgenidi.

«nambiye qirghinchiliqi», mustemlikichi gérmaniye armiyesi teripidin 1904-yildin 1908-yilghiche bolghan ariliqta yerlik héréro we nama xelqlirige qarshi élip bérilghan.

mustemlikichilerge qarshi tirkeshken xelqler nishan qilghan irqiy qirghinchiliqta, kem dégende 65 ming héroro we 10 ming nama hayatidin ayrilghanidi.

«irqiy qirghinchiliq» netijiside, hérorolar nopusining kem dégende 70% i, namalar nopusining kem dégende% 50 i jénidin ayrilghanidi.



مۇناسىۋەتلىك خەۋەرلەر