намбийәдә «ирқий қирғинчилиқ төлими» келишимигә қаттиқ наразилиқ билдүрүлди

намбийәдә германийә билән түзүлгән «ирқий қирғинчилиқ төлими» келишимигә наразилиқ билдүргән сийасийонлар билән қәбилә башлиқлири парламент бинасиға бесип кирди.

1708963
намбийәдә «ирқий қирғинчилиқ төлими» келишимигә қаттиқ наразилиқ билдүрүлди

түркийә авази радийоси хәвири: намбийәдә чиқидиған «‹сун› гезити» ниң хәвәр қилишичә, германийәниң «ирқий қирғинчилиқ» тин кәчүрүм сориши вә 1 милйард 100 милйон йавролуқ тәрәққийат йардимини йетәрлик дәп қаримиған намайишчилар, өзлиригә мәслиһәт селинмай һасил қилинған келишимгә қаттиқ наразлиқ билдүргән.

пайтәхт виндхокқа йиғилған йүзлигән намайишчилар, йүрүштин кейин парламент бинасиға бесип киргән.

германийә ташқи ишлар министири һейко маас, дөлитиниң, 5-айниң 28-күни, һереро вә нама хәлқлиригә қарши садир қилинған җинайи қилмишларни «ирқий қирғинчилиқ» дәп қарайдиғанлиқини байан қилған, һәмдә буниң намайәндиси сүпитидә 30 йил ичидә «ирқий қирғинчилиқ» қурбанлириниң нәврилирини қоллаш үчүн  1 милйард 100 милйон йавролуқ мәбләғ аҗритилидиғанлиқини билдүргәниди.

«намбийә қирғинчилиқи», мустәмликичи германийә армийәси тәрипидин 1904-йилдин 1908-йилғичә болған арилиқта йәрлик һереро вә нама хәлқлиригә қарши елип берилған.

мустәмликичиләргә қарши тиркәшкән хәлқләр нишан қилған ирқий қирғинчилиқта, кәм дегәндә 65 миң һероро вә 10 миң нама һайатидин айрилғаниди.

«ирқий қирғинчилиқ» нәтиҗисидә, һероролар нопусиниң кәм дегәндә 70% и, намалар нопусиниң кәм дегәндә% 50 и җенидин айрилғаниди.



مۇناسىۋەتلىك خەۋەرلەر