amérika: tewelikimizge kiridighan barliq chet el puqraliri waksina emletkenlikini ispatlishi kérek

amérika qoshma ishtatliri noyabirdin bashlap amérikagha kélidighan 18 yashtin yuqiri barliq chet el puqralirining yuqum waksinisi salghuzghan bolushini shert qilidu.

1708566
amérika: tewelikimizge kiridighan barliq chet el puqraliri waksina emletkenlikini  ispatlishi kérek

türkiye awazi radiyosi xewiri: aqsaray kowid -19 gha qarshi küresh xizmet guruppisining maslashturghuchisi jéf ziénts muxbirlarni kütüwélish yighinida, baydin hökümitining xelqaraliq nöwetchi ayropilanlargha munasiwetlik yéngi siyasitini jamaetchilik bilen ortaqlashti.

u, noyabirdin bashlap amérikagha kélidighan 18 yashtin yuqiri chet elliklerdin toluq waksina emletküzgenlikini ispatlishining telep qilinidighanliqini éytti.

yene bir tereptin, amérika hökümiti uchushtin burunqi 72 saet ichide élip bérilghan PCR sinaq netijisining passip chiqqan bolushi kérekliki toghrisidiki siyasitini dawamlashturidu.

mezkur siyasetke asasen amérikaning sayahet cheklengen döletler tizimlikidiki shengen döletliri we engliyedinmu chet elliklerning amérikagha sayahetke bérishigha ruxset qilinidu.

amérikaning sabiq pirézidénti donald tramp 2020-yili 3-ayda engliye, érlandiye we biraziliye, shundaqla shengen rayonidiki yawropa döletliridin amérikagha sayahetke baridighan chet el puqralirining sayahet cheklimisining 26-yanwarda bikar qilinidighanliqini élan qilghanidi.

baydén hökümiti, 20-yanwar wezipe ötküzüwalghandin kéyin, mezkur cheklimilerning dawam qilidighanliqini élan qilghanidi.



مۇناسىۋەتلىك خەۋەرلەر