америка: тәвәликимизгә киридиған барлиқ чәт әл пуқралири ваксина әмләткәнликини испатлиши керәк

америка қошма иштатлири нойабирдин башлап америкаға келидиған 18 йаштин йуқири барлиқ чәт әл пуқралириниң йуқум ваксиниси салғузған болушини шәрт қилиду.

1708566
америка: тәвәликимизгә киридиған барлиқ чәт әл пуқралири ваксина әмләткәнликини  испатлиши керәк

түркийә авази радийоси хәвири: ақсарай ковид -19 ға қарши күрәш хизмәт гурупписиниң маслаштурғучиси җеф зиентс мухбирларни күтүвелиш йиғинида, байдин һөкүмитиниң хәлқаралиқ нөвәтчи айропиланларға мунасивәтлик йеңи сийаситини җамаәтчилик билән ортақлашти.

у, нойабирдин башлап америкаға келидиған 18 йаштин йуқири чәт әлликләрдин толуқ ваксина әмләткүзгәнликини испатлишиниң тәләп қилинидиғанлиқини ейтти.

йәнә бир тәрәптин, америка һөкүмити учуштин бурунқи 72 саәт ичидә елип берилған PCR синақ нәтиҗисиниң пассип чиққан болуши керәклики тоғрисидики сийаситини давамлаштуриду.

мәзкур сийасәткә асасән американиң сайаһәт чәкләнгән дөләтләр тизимликидики шәнгән дөләтлири вә әнглийәдинму чәт әлликләрниң америкаға сайаһәткә беришиға рухсәт қилиниду.

американиң сабиқ пирезиденти доналд трамп 2020-йили 3-айда әнглийә, ерландийә вә биразилийә, шундақла шәнгән районидики йавропа дөләтлиридин америкаға сайаһәткә баридиған чәт әл пуқралириниң сайаһәт чәклимисиниң 26-йанварда бикар қилинидиғанлиқини елан қилғаниди.

байден һөкүмити, 20-йанвар вәзипә өткүзүвалғандин кейин, мәзкур чәклимиләрниң давам қилидиғанлиқини елан қилғаниди.



مۇناسىۋەتلىك خەۋەرلەر