gutérrés türkiyege rehmet éytti

birleshken döletler teshkilati (b d t) bash katipi antoniyo gutérrés: «qoghdashqa mohtaj musapirlarni qollighanliqinglar üchün silerge (türkiyege) chin könglümdin rehmet éytimen» dédi.

1708414
gutérrés türkiyege rehmet éytti

türkiye awazi radiyosi xewiri: antoniyo gutérrés nyu-yorktiki türkiyening b d t daimiy wekaletxanisi  bilen nyuyork konsulxanisi jaylishidighan yéngi türkewi (türk öyi) binasini xizmetke kirishtürüsh murasimida söz qilip, türkiye bilen b d t otturisida nahayiti yaxshi hemkarliq munasiwiti barliqigha isharet qilip ötti  we sözini dawamlashturup: «men türkiye we türk jemiyitining musapirlargha bolghan ghayet zor keng qorsaqliqigha shexsen heyranmen... qoghdashqa mohtaj musapirlarni qollighanliqinglar üchün  silerge (türkiyege) chin könglümdin rehmet éytimen» dégenlerni qeyt qildi.

gutérrés urushlar, zorawanliq, zulum we kishilik hoquq depsendichilikidin qachqanlar sanining tarixtiki eng yuqiri sewiyige yetkenlikini bayan qilip: «men türkiyening xelqara jemiyetning qollishi bilen qolidin kélishiche tirishchanliq körsitidighanliqigha ishinimen. bu hemmimiz köngül bölidighan bir hemkarliq» dédi.

türkiyening toqunushlargha xatime bérishning eng muhim qorallirining biri bolghan muresse qilghuchi dostlar guruppisining ortaq reislikini öz ichige alghan üzlüksiz qollishigha yuqiri baha béridighanliqini bildürgen gutérrés, türkiye bilen ornitilghan yéqin hemkarliqning dawamlishidighanliqini sözlirige ilawe qildi.

gutérrés échilishtin kéyin jumhur reis erdoghan teripidin qobul qilindi؛ yighin jeryanida süriye, liwiye, afghanistan we qibris mesililiri muzakire qilindi.



مۇناسىۋەتلىك خەۋەرلەر