bash ministir namzati: saylamda ghelibe qilip qalsam türkiye - gérmaniye munasiwitini yaxshilaymen

gérmaniye bash ministir namzati laschét türkiye bilen bolghan munasiwetler üstide bayanat élan qildi.

1708694
bash ministir namzati: saylamda ghelibe qilip qalsam türkiye - gérmaniye munasiwitini yaxshilaymen

türkiye awazi radiyosi xewiri: gérmaniyede 26 – sintebirde ötküzülidighan chong saylamda xiristiyan birleshme (CDU / CSU) partiyesining bash ministir namzati bolghan armin laschét eger hakimiyet béshigha kelse, türkiye-gérmaniye munasiwetlirini qaytidin yaxshilaydighanliqini éytti.

xiristiyan démokratlar partiyisi (CDU) ning reisi bolghan laschét anadolu agéntliqigha bergen bayanatida, türkiyening shimaliy atlantik ehdi teshkilatigha eza bolush süpiti bilen shundaqla nurghun sahelerde yawropa bilen bolghan hemkarliqi jehettin qanchilik muhimliqini bilidighanliqini tekitlep, «bir türkiye dosti bolush süpitim bilen men bash ministir bolghanda munasiwetlerning qaytidin téximu yaxshilinishini ümid qilimen, biz buning üchün tirishishimiz lazim» dédi.

laschét köchmenlerning bolupmu türk köchmenlerning zor yoshurun küchke ige ikenlikini körgenlikini, buni gérmaniye xelqiningmu körüshini nishan qilghanliqini we bu yoshurun küchlerni ishlitish, ayrimchiliqni azaytish we köp xilliqni saqlap qélish lazimliqini tekitlidi.

 26  - sintebirde gérmaniyede ötküzülidighan ötküzülidighan chong saylamda angéla mérkélning 16 yilliq wezipe ötesh mudditi axirlishidu.


خەتكۈچ: #namzat , #türkiye , #gérmaniye

مۇناسىۋەتلىك خەۋەرلەر