баш министир намзати: сайламда ғәлибә қилип қалсам түркийә - германийә мунасивитини йахшилаймән

германийә баш министир намзати ласчет түркийә билән болған мунасивәтләр үстидә байанат елан қилди.

1708694
баш министир намзати: сайламда ғәлибә қилип қалсам түркийә - германийә мунасивитини йахшилаймән

түркийә авази радийоси хәвири: германийәдә 26 – синтәбирдә өткүзүлидиған чоң сайламда хиристийан бирләшмә (CDU / CSU) партийәсиниң баш министир намзати болған армин ласчет әгәр һакимийәт бешиға кәлсә, түркийә-германийә мунасивәтлирини қайтидин йахшилайдиғанлиқини ейтти.

хиристийан демократлар партийиси (CDU) ниң рәиси болған ласчет анадолу агентлиқиға бәргән байанатида, түркийәниң шималий атлантик әһди тәшкилатиға әза болуш сүпити билән шундақла нурғун саһәләрдә йавропа билән болған һәмкарлиқи җәһәттин қанчилик муһимлиқини билидиғанлиқини тәкитләп, «бир түркийә дости болуш сүпитим билән мән баш министир болғанда мунасивәтләрниң қайтидин техиму йахшилинишини үмид қилимән, биз буниң үчүн тиришишимиз лазим» деди.

ласчет көчмәнләрниң болупму түрк көчмәнләрниң зор йошурун күчкә игә икәнликини көргәнликини, буни германийә хәлқиниңму көрүшини нишан қилғанлиқини вә бу йошурун күчләрни ишлитиш, айримчилиқни азайтиш вә көп хиллиқни сақлап қелиш лазимлиқини тәкитлиди.

 26  - синтәбирдә германийәдә өткүзүлидиған өткүзүлидиған чоң сайламда ангела меркелниң 16 йиллиқ вәзипә өтәш муддити ахирлишиду.



مۇناسىۋەتلىك خەۋەرلەر