yaponiyede yashanghanlar nopusining éshishi rékort yaratti

yaponiyede 65 yashtin ashqanlarning omumiy nopus nisbiti %0.3 örlep, 29.1% ge yetti.

1708161
yaponiyede yashanghanlar nopusining éshishi rékort yaratti

türkiye awazi radiyosi xewiri: yaponiye ichki ishlar we uchur- alaqe ministirliqi her yili sintebirning üchinchi düshenbe küni tebriklinidighan «yashanghanlargha hörmet qilish bayrimi» munasiwiti bilen dölet miqyasidiki 65 yashtin ashqanlarning eng yéngi nopus sanliq melumatlirini élan qildi.

eng yéngi sanliq melumatlargha asaslanghanda, yaponiyede 65 yashtin ashqanlarning sani bulturqigha sélishturghanda 220 ming kishi éship, 36 milyon 400 minggha yetken. bu nisbet yéngi bir rékort süpitide ruyxetke élinghan.

yaponiyede 65 yashtin ashqanlarning omumiy nopus nisbiti %0.3 örlep, 29.1% ge yetken. erlerning sani 15 milyon 830 minggha, ayallarning sani 20 milyon 570 minggha yetken.

döletlik nopus we ijtimaiy kapalet tetqiqat insititutining tetqiqatigha qarighanda, 2040-yili yaponiyediki yashanghanlarning nisbiti %35.3 ni teshkil qilidiken.

dunya boyiche yashinish süriti eng téz döletlerning birsi dep bilinidighan yaponiyede, ayallarning otturiche yéshi 87.74 , erlerning otturiche yéshi 81.64 etrapida bolup kelmekte.


خەتكۈچ: #yashanghanlar , #yaponiye

مۇناسىۋەتلىك خەۋەرلەر