әнглийә түркийәни «қизил тизимлик» тин чиқиривәтти

әнгилийә түркийәни сайаһәт қилип қайтип кәлгәндин кейин мәҗбурий меһманханида карантин астиға елинишқа тегишлик «қизил тизимлик» тин чиқиривәтти.

1707496
әнглийә түркийәни «қизил тизимлик» тин чиқиривәтти

түркийә авази радийоси хәвири: әнглийә сайаһәт министирлиқи, «ковид – 19» йуқумиға қарши күрәш даирисидә түзүлгән сайаһәт  тизимликигә өзгәртиш киргүзди.

өзгәртиш киргүзүлгән тизимликтә, түркийә, пакистан, малдиви, мисир, сириланка, умман, баңладеш вә кенийә қатарлиқ 8 дөләттин әнглийәгә кәлгән әнглийә пуқралири вә әнглийәдә туруш иҗазәтнамисигә игә кишиләр, мәҗбурий меһманханида карантин астиға елинидиған «қизил тизимлик» тин түркийә чиқириветилди.

түркийә мәдәнийәт вә сайаһәт ишлири министири мәһмәт нури әрсой, аммиви ортақлишиш тор бетидики сәһиписидә, әнглийәниң түркийәгә қарита сайаһәт чәклимисини бикар қилиши һәққидә елан қилған байанатида, мундақ деди: «әнглийәниң түркийәгә қарита сайаһәт чәклимисини бикар қилиши вә 22 – сентәбирдин башлап йолға қойулидиған бу өзгириштин интайин хурсәнмиз, түркийә әнглийәдин келидиған меһманлирини бихәтәр һалда күтүвелишни изчил давамлаштуриду.»



مۇناسىۋەتلىك خەۋەرلەر