yawropa ittipaqi afghanlarni qoghdash mesuliyitidin qéchish bilen eyiblendi

xelqara kishilik hoquq we musapirlar teshkilatliri yawropa ittipaqini tenqidlep, yardemge mohtaj afghanistanliqlarni qollashni kücheytishke chaqirdi.

1707284
yawropa ittipaqi afghanlarni qoghdash mesuliyitidin qéchish bilen eyiblendi

türkiye awazi radiyosi xewiri: xelqara kechürüm teshkilati, qizil krést jemiyiti, kishilik hoquqni közitish teshkilati we oksfam qatarliqlarni öz ichige alghan menpeet qoghlashmaydighan xelqaraliq 24 teshkilat, yardemge mohtaj afghanistanliqlar heqqide birleshme yazma bayanat élan qildi.

«yawropa ittipaqi ularni qoghdash mesuliyitidin qéchishning ornigha, mesuliyetni ortaq üstige élishi kérek» dégen ibarilerge orun bérilgen bayanatta, afghanistandiki 18 milyon kishining jiddiy insanperwerlik yardemge mohtaj ikenliki, minglarche kishining hélihem dölettin chiqip kétishni xalaydighanliqi otturigha qoyuldi.

bayanatta, yawropa ittipaqining qoghdashqa mohtaj afghanistanliqlarni bixeter yol bilen teminlishi we «öz ixtiyarliqi bilen qaytidin orunlashturush» pirogrammisini yolgha qoyushi kérekliki eskertildi, shundaqla ittipaqning chégrasi ichidiki kelgen dölitige qayturuwétishlar, musapirliq salahiyitige érishishning tosqunluqqa uchrishi qatarliq qilmishlarning yawropa ittipaqi teripidin eyiblinishi, tekshürülüshi we jazalinishi telep qilindi.

«afghanistanliqlarning ret qilinghan barliq panahliq telepliri we munasiwetlik tutup turush qararliri choqum tézdin tekshürülüshi kérek» dégen tewsiyege orun bérilgen bayanatta, afghanistanliqlarning chégradin qoghlap chiqirilishining resmiy shekilde toxtitilishi, ularning qanuniy salahiyetke ige qilinishi we turush hoquqi bilen teminlesh qatarliq hel qilish charilirining chégradin qoghlap chiqirishning ornini élishi, <yawropa ittipaqi tewelikidiki afghanistanliq musapirlarning éniqsiz halette tashlap qoyulmasliqi» chaqiriq qilindi.

bayanatta yene, yawropa ittipaqining diplomatik salmiqidin paydilinip, tarqaqlashturushning qaytidin bashlinishi we afghanistandin chiqip ketmekchi bolghanlarning hemmisining bixete ayrilishigha kapaletlik qilishi kérekliki qeyt qilindi.


خەتكۈچ: #uyghurche , #yawropa

مۇناسىۋەتلىك خەۋەرلەر