йавропа иттипақи афғанларни қоғдаш мәсулийитидин қечиш билән әйибләнди

хәлқара кишилик һоқуқ вә мусапирлар тәшкилатлири йавропа иттипақини тәнқидләп, йардәмгә моһтаҗ афғанистанлиқларни қоллашни күчәйтишкә чақирди.

1707284
йавропа иттипақи афғанларни қоғдаш мәсулийитидин қечиш билән әйибләнди

түркийә авази радийоси хәвири: хәлқара кәчүрүм тәшкилати, қизил крест җәмийити, кишилик һоқуқни көзитиш тәшкилати вә оксфам қатарлиқларни өз ичигә алған мәнпәәт қоғлашмайдиған хәлқаралиқ 24 тәшкилат, йардәмгә моһтаҗ афғанистанлиқлар һәққидә бирләшмә йазма байанат елан қилди.

«йавропа иттипақи уларни қоғдаш мәсулийитидин қечишниң орниға, мәсулийәтни ортақ үстигә елиши керәк» дегән ибариләргә орун берилгән байанатта, афғанистандики 18 милйон кишиниң җиддий инсанпәрвәрлик йардәмгә моһтаҗ икәнлики, миңларчә кишиниң һелиһәм дөләттин чиқип кетишни халайдиғанлиқи оттуриға қойулди.

байанатта, йавропа иттипақиниң қоғдашқа моһтаҗ афғанистанлиқларни бихәтәр йол билән тәминлиши вә «өз ихтийарлиқи билән қайтидин орунлаштуруш» пирограммисини йолға қойуши керәклики әскәртилди, шундақла иттипақниң чеграси ичидики кәлгән дөлитигә қайтуруветишлар, мусапирлиқ салаһийитигә еришишниң тосқунлуққа учриши қатарлиқ қилмишларниң йавропа иттипақи тәрипидин әйиблиниши, тәкшүрүлүши вә җазалиниши тәләп қилинди.

«афғанистанлиқларниң рәт қилинған барлиқ панаһлиқ тәләплири вә мунасивәтлик тутуп туруш қарарлири чоқум тездин тәкшүрүлүши керәк» дегән тәвсийәгә орун берилгән байанатта, афғанистанлиқларниң чеградин қоғлап чиқирилишиниң рәсмий шәкилдә тохтитилиши, уларниң қануний салаһийәткә игә қилиниши вә туруш һоқуқи билән тәминләш қатарлиқ һәл қилиш чарилириниң чеградин қоғлап чиқиришниң орнини елиши, <йавропа иттипақи тәвәликидики афғанистанлиқ мусапирларниң ениқсиз һаләттә ташлап қойулмаслиқи» чақириқ қилинди.

байанатта йәнә, йавропа иттипақиниң дипломатик салмиқидин пайдилинип, тарқақлаштурушниң қайтидин башлиниши вә афғанистандин чиқип кәтмәкчи болғанларниң һәммисиниң бихәтә айрилишиға капаләтлик қилиши керәклики қәйт қилинди.



مۇناسىۋەتلىك خەۋەرلەر