yaponiye shimaliy koréye bombiliri chüshken jayni élan qildi

shimaliy koréyening bashqurulidighan bombilirining yaponiyening gherbidiki noto yérim arilidiki yaponiye alahide iqtisadiy rayonigha chüshkenliki bildürüldi.

1706826
yaponiye shimaliy koréye bombiliri chüshken jayni élan qildi

türkiye awazi radiyosi xewiri: yaponiye dölet téléwéziyesi — NHK, yaponiye hökümitining shimaliy koréye sinaq qilghan bashqurulidighan bombilarning chüshüsh nuqtisi toghrisidiki ilgiriki mölcherlirige özgertish kirgüzgenlikini xewer qildi.

yéngi analizgha asaslanghanda, bashqurulidighan bombilarning gherbtiki ishikawa ölkisining noto yérim arili déngiz tewelikidiki xégurajima arilining 300 kilométir shimaligha chüshkenliki qeyt qilindi.

texmen 750 kilométir yiraqliqqa barghan bashqurulidighan bombilarning 50 kilométir égizlik we «tertipsiz yönilinish» boyiche ilgirilep yaponiye alahide iqtisadiy rayonigha chüshkenliki eskertildi.

yaponiye mudapie ministirliqi, bashqurulidighan bombilarning yaponiye alahide iqtisadiy rayonining sirtigha chüshkenlikini uqturghanidi.

yaponiye dölet téléwéziyesi — NHK, yaponiye alahide iqtisadiy rayon tewelikige chüshken shimaliy koréye ballstik bashqurulidighan bombilirining eng axirqi qétim 2019 – yili öktebirde qoyup bérilgenlikini bildürdi.

bash wezir suga yoshiidé sinaq heqqide toxtilip: «shimaliy koréyening bashqurulidighan bomba sinaqliri yaponiye we rayonning tinchliq we bixeterlikige xewp yetküzmekte» dégenidi.

bashqurulidighan bomba sinaqlirining amérika qoshma ishtatliri bilen jenubiy koréye diplomatlirining 14 – séntebir tokyoda ötküzgen «shimaliy koréye» témiliq yuqiri derijilikler yighinidin kéyinge toghra kélishi diqqetni tartti.

yonxap xewer agéntliqimu shimaliy koréye dairilirini menbe qilghan xewiride, shimaliy koréyening hepte axirida 1500 kilométir musapilik yéngi ewlad bashqurulidighan bomba sinaq qilghanliqini ilgiri sürgenidi.


خەتكۈچ: #uyghurche , #bomba , #koréye , #yaponiye

مۇناسىۋەتلىك خەۋەرلەر