йапонийә шималий корейә бомбилири чүшкән җайни елан қилди

шималий корейәниң башқурулидиған бомбилириниң йапонийәниң ғәрбидики ното йерим арилидики йапонийә алаһидә иқтисадий райониға чүшкәнлики билдүрүлди.

1706826
йапонийә шималий корейә бомбилири чүшкән җайни елан қилди

түркийә авази радийоси хәвири: йапонийә дөләт телевезийәси — NHK, йапонийә һөкүмитиниң шималий корейә синақ қилған башқурулидиған бомбиларниң чүшүш нуқтиси тоғрисидики илгирики мөлчәрлиригә өзгәртиш киргүзгәнликини хәвәр қилди.

йеңи анализға асасланғанда, башқурулидиған бомбиларниң ғәрбтики ишикава өлкисиниң ното йерим арили деңиз тәвәликидики хегураҗима арилиниң 300 километир шималиға чүшкәнлики қәйт қилинди.

тәхмән 750 километир йирақлиққа барған башқурулидиған бомбиларниң 50 километир егизлик вә «тәртипсиз йөнилиниш» бойичә илгириләп йапонийә алаһидә иқтисадий райониға чүшкәнлики әскәртилди.

йапонийә мудапиә министирлиқи, башқурулидиған бомбиларниң йапонийә алаһидә иқтисадий райониниң сиртиға чүшкәнликини уқтурғаниди.

йапонийә дөләт телевезийәси — NHK, йапонийә алаһидә иқтисадий район тәвәликигә чүшкән шималий корейә баллстик башқурулидиған бомбилириниң әң ахирқи қетим 2019 – йили өктәбирдә қойуп берилгәнликини билдүрди.

баш вәзир суга йошииде синақ һәққидә тохтилип: «шималий корейәниң башқурулидиған бомба синақлири йапонийә вә районниң тинчлиқ вә бихәтәрликигә хәвп йәткүзмәктә» дегәниди.

башқурулидиған бомба синақлириниң америка қошма иштатлири билән җәнубий корейә дипломатлириниң 14 – сентәбир токйода өткүзгән «шималий корейә» темилиқ йуқири дәриҗиликләр йиғинидин кейингә тоғра келиши диққәтни тартти.

йонхап хәвәр агентлиқиму шималий корейә даирилирини мәнбә қилған хәвиридә, шималий корейәниң һәптә ахирида 1500 километир мусапилик йеңи әвлад башқурулидиған бомба синақ қилғанлиқини илгири сүргәниди.



مۇناسىۋەتلىك خەۋەرلەر