iran pirézidénti reisi: qoshna döletler bilen yaxshi munasiwet ornitishqa ehmiyet bérimiz

iran pirézidénti ibrahim reisi, dölitining tashqi siyasettiki eng muhim ishining qoshnilarni öz ichige alghan rayon döletliri bilen yaxshi munasiwet ornitish ikenlikini bildürdi.

1706827
iran pirézidénti reisi: qoshna döletler bilen yaxshi munasiwet ornitishqa ehmiyet bérimiz

türkiye awazi radiyosi xewiri: iran resmiy xewer agéntliqi — irnaning xewirige asaslanghanda, ibrahim reisi shangxey hemkarliq teshkilati dölet bashliqliri yighinigha ishtirak qilish üchün tajikistanning paytexti düshenbige qarap yolgha chiqishtin ilgiri ayrodurumda muxbirlarni kütüwélish yighini ötküzdi.

tajikistan pirézidénti imameli rahmanning teklipige binaen shangxey hemkarliq teshkilati bashliqlar yighinigha ishtirak qilidighanliqini bildürgen reisi: «tajikistan ziyaritim bu dölet bilen bolghan munasiwetlirimizning medeniyet, iqtisad we siyaset saheliride yéngi bir sehipe achidu» dédi.

u tajikistan ziyariti dairiside bu dölet  bilen qanun, iqtisad we yéza igilik saheliride kélishimlerni imzalaydighanliqlirini bildürdi, hemde yighingha ishtirak qilghan döletlerning rehberliri bilen körüshidighanliqining uchurini ortaqlashti.

21 – nöwetlik shangxey hemkarliq teshkilati dölet bashliqliri yighini 16-, 17- séntebir künliri tajikistanning paytexti düshenbide ötküzülidu.

 

 


خەتكۈچ: #uyghurche , #iran

مۇناسىۋەتلىك خەۋەرلەر