иран пирезиденти рәиси: қошна дөләтләр билән йахши мунасивәт орнитишқа әһмийәт беримиз

иран пирезиденти ибраһим рәиси, дөлитиниң ташқи сийасәттики әң муһим ишиниң қошниларни өз ичигә алған район дөләтлири билән йахши мунасивәт орнитиш икәнликини билдүрди.

1706827
иран пирезиденти рәиси: қошна дөләтләр билән йахши мунасивәт орнитишқа әһмийәт беримиз

түркийә авази радийоси хәвири: иран рәсмий хәвәр агентлиқи — ирнаниң хәвиригә асасланғанда, ибраһим рәиси шаңхәй һәмкарлиқ тәшкилати дөләт башлиқлири йиғиниға иштирак қилиш үчүн таҗикистанниң пайтәхти дүшәнбигә қарап йолға чиқиштин илгири айродурумда мухбирларни күтүвелиш йиғини өткүзди.

таҗикистан пирезиденти имамәли раһманниң тәклипигә бинаән шаңхәй һәмкарлиқ тәшкилати башлиқлар йиғиниға иштирак қилидиғанлиқини билдүргән рәиси: «таҗикистан зийаритим бу дөләт билән болған мунасивәтлиримизниң мәдәнийәт, иқтисад вә сийасәт саһәлиридә йеңи бир сәһипә ачиду» деди.

у таҗикистан зийарити даирисидә бу дөләт  билән қанун, иқтисад вә йеза игилик саһәлиридә келишимләрни имзалайдиғанлиқлирини билдүрди, һәмдә йиғинға иштирак қилған дөләтләрниң рәһбәрлири билән көрүшидиғанлиқиниң учурини ортақлашти.

21 – нөвәтлик шаңхәй һәмкарлиқ тәшкилати дөләт башлиқлири йиғини 16-, 17- сентәбир күнлири таҗикистанниң пайтәхти дүшәнбидә өткүзүлиду.

 

 


خەتكۈچ: #уйғурчә , #иран

مۇناسىۋەتلىك خەۋەرلەر