prays: türkiye bilen qatar normal hawa qatnishini kapaletke ige qilishqa tirishmaqta
amérika tashqi ishlar ministirliqi bayanatchi néd prays, türkiye bilen qatarning kabul ayrodurumining xizmitini eslige keltürüshke tirishchanliq körsitiwatqanliqini bildürdi.
türkiye awazi radiyosi xewiri: amérika tashqi ishlar ministirliqi bayanatchi néd prays, kabul ayrodurumidin qatnawatqan höddiger ayropilanlar biilen birlikte normal yoluchilar ayropilanliriningmu qatnishini kapaletke ige qilish üchün türkiye bilen qatarning tirishchanliq körsitiwatqanliqini bildürdi.
néd prays kündilik muxbirlarni kütüwélish yighinida afghanistanning nöwettiki weziyti toghrisida toxtaldi؛ u kabuldiki hamid karzay xelqara ayrodromidin höddige élinghan ayropilanlarning asta-asta uchushqa bashlighanliqini, daimliq yoluchilar ayropilanlirining qatnashqa bashlishining hem afghanistan xelqi, hem xelqara jemiyet hemde talibanlar üchün muhim ikenlikini éytti.
mazar-sheriftin qatnash bashlishi kütülüwatqan nöwetchi ayropilanlarning hazirghiche qatniyalmasliqi mesilisige yéqindin diqqet qiliwatqanliqlirini bildürgen prays, mazar – sherif ayrodurumining awiyatsiye qatnishini bashlishi kéreklikini we özlirining buning üchün tirishiwatqanliqini qeyt qildi.
bayanatchi yene, 31-awghusttin buyan36 amérika puqrasi bilen amérikada turush kinishkisi bar 24 kishining afghanistandin tarqaqlashturulghanliqini sözlirige ilawe qildi.
