awistiraliyede türmidin qachqan mehbus 29 yil kéyin teslim boldi

awistiraliyening yéngi jenubiy gallér ölkiside 29 yil ilgiri türmidin qéchip ketken, 64 yashliq darko désik kowid-19 yuqumi mezgilide ishsiz qélip, öy ijare pulini töliyelmigendin kéyin saqchigha teslim bolushqa mejbur boldi.

1706435
awistiraliyede türmidin qachqan mehbus 29 yil kéyin teslim boldi

türkiye awazi radiyosi xewiri: awistiraliye taratqulirining xewirige asaslanghanda, kendir térighanliqi üchün 3.5 yil késilgen darko désik, 13 ay türmide yatqandin kéyin, 1992-yili 8-ayning 1-küni kechte grafton islah qilish merkizidin tömür kesküch here we bolt kesküch üskinilerni ishlitip qéchip ketken idi.

barliq axturushlargha qarimay tépilmighanliqi qeyt qilinghan darko désikning sidnéyning shimalidiki déngiz sahiligha orunlashqanliqi we neq pul üchün qurulushlarda rémontchi bolup ishligenliki bildürüldi.

darko désik ölkide texminen 3 aydin buyan dawamlishiwatqan kowid -19 cheklimiliri sewebidin ishi pütünley toxtap ketkendin kéyin öyining ijare heqqini töliyelmeydighan halgha chüshüp qaldi.

öyni boshitip bérip, déngiz sahilida yashashqa bashlighan darko désik, türmide yashashning öy-makansiz qélishtin yaxshi bolidighanliqini oylap saqchigha teslim boldi.

darko désik sidnéyning surri téghi rayonidiki türme kaméridin sin ulinishi arqiliq merkizi rayonluq sot mehkimisidiki ispat anglash yighinigha qatnashti we képillikke qoyup bérilish telipi ret qilindi.

darko désikning 28-séntebir seyshenbe küni türmidin qéchish jinayiti bilen yene bir qétim sotqa chiqishi mölcherlenmekte.



مۇناسىۋەتلىك خەۋەرلەر