wolqan bozqirning b d t diki bashliqliq wezipisi axirlashti

wezipe ötesh mudditi axirlashqan birleshken döletler teshkilati (b d t) 75 – nöwetlik omumiy kéngishi bashliqi wolqan bozqirning ornigha moldawiye tashqi ishlar ministiri abdulla shahid keldi.

1706274
wolqan bozqirning b d t diki bashliqliq wezipisi axirlashti

türkiye awazi radiyosi xewiri: wolqan bozqir  2020 – yili 14 – séntebirde üstige alghan 75 – nöwetlik b d t omumiy kéngishi bashliqliq wezipisini tünügün tamamlidi. buningdin kéyin  omumiy kéngeshning bashliqliq wezipisini moldawiye tashqi ishlar ministiri abdulla shahid dawamlashturidu.

türkiye jumhuriyiti tashqi ishlar ministirliqi bu heqte bayanat élan qilip: «hörmetlik bozqir wezipe ötishi jeryanida — yuqum peyda qilghan cheklimilerge qarimay — omumiy kéngesh xizmetlirining üzlüksiz dawamlishishigha kapaletlik qildi, xelqara jemiyetning wijdanini jarahetlendürgen pelestin, süriye we birma qatarliq kirizislerning omumiy kéngeshte muzakire qilinishigha bashlamchiliq qildi we barliq eza döletler barawer wekillik hoquqigha ige bolghan omumiy kéngeshni kücheytish xizmetlirini qollap - quwwetlidi» dégenlerni qeyt qildi.

dölitimiz (türkiye jumhuriyiti) tashqi ishlar ministiri mewlüt chawushoghlumu ijtimaiy taratqudiki adrésida uchur hembehrilep wolqan bozqirni tebrikldi.

u tiwittérdiki adrésida tarqatqan uchurida: «75 – nöwetlik b d t omumiy kéngishining bashliqliq wezipisini utuqluq tamamlap ötküzüp bergen bash elchi wolqan bozqirni tebrikleymen. dölitimizge eng yaxshi shekilde wekillik qilghanliqing we dunya mesililirige chare tépish tirishchanliqliring üchün teshekkürler wolqan aka!» dégen ibarilerge orun berdi.


خەتكۈچ: #uyghurche , #bozqir , #b d t , #türkiye

مۇناسىۋەتلىك خەۋەرلەر