qatar tashqi ishlar abdurrahman alsani afghanistanni ziyaret qildi
taliban afghanistanda waqtliq hökümetni élan qilghandin kéyin, tunji yuqiri derijilik chet el emeldarining bu döletke qilghan ziyariti emelge ashti.
türkiye awazi radiyosi xewiri: qatar tashqi ishlar ministiri abdurrahman alsani afghanistanda taliban waqitliq hökümiti qurulghandin kéyin afghanistanni ziyaret qilghan tunji chet el yuqiri derijilik emeldari bolup qaldi.
alsani taliban waqitliq hökümitining bash ministiri molla muhemmed hesenaxun we yéngi kabéntning ezaliri bilen körüshti.
xelqara jemiyetning küntertipide, taliban waqitliq hökümiti bilen ornitilidighan munasiwetler turmaqta.
firansiye tashqi ishlar ministiri lé jyan talibanning hemmini öz ichige alidighan we wekillik qilidighan hökümet qurush wediside turmighanliqini bildürüp: «firansiye bu hökümetni étirap qilmaydu we her türlük munasiwet ornitishni ret qilidu» dédi.
kabuldiki hamid karzayi xelqara ayrodurumida, séntebir éyi (2021) din buyan türkiye bilen qatarning téxnikiliq yardimi astida ichki linyelerde ayropilan seperliri qiliniwatqan bolup, ayropilan seperliri her küni dégüdek ashmaqta. chet elge qilinidighan ayropilan seperliri bolsa, insanperwerlik yardemliri üchünla cheklinip qalghan weziyette.
taliban xelqaraliq ayropilan seperlirining bashlinishi üchün bezi téxnikiliq mesililerning barliqini we buning qisqa waqit ichide hel qilinidighanliqini bildürmekte.
